【哲五7周年台語漢字生日文│汪業政】

（台語漢字）

對大學一年到今，我加入「哲學星期五」也已經三冬偌欲四冬矣，這時就趁哲五七週年的機會，分享我這幾年來佇哲五的看見以及學習。

代先互我大大幫贊的，就是透過哲五，我的眼界被打開，這會當對兩方面來講。第一，就是每一擺的聚會攏有無仝款的主題佮內容，而且來交流的講員，攏是當主題相關的專才，所以佇逐樣的知識上，無論是闊度抑是深度，攏真正打開我的眼界。第二，就是佇每一擺聚會中，來參與的人百百款，佇佮每一個無仝款的人交通的中間，實在通發覺著世間是遮爾多元閣趣味。

閣來就是哲五不斷咧提醒我，要常常會記得弱勢以及受壓迫的人。佇阮的聚會，時常會有看起來佮我自身無甚交插的主題，總是講著遮的事，濟濟攏是社會中不公義的事，是真正需要逐家共同瞭解、贊聲，甚至是徛出來的事，對遮著通知，阮毋通干焦顧自己， 抑著愛關顧阮身邊當咧受苦痛的人。這點佮我所信仰的基督教真相像。

今年是哲五七週年，佇我所信仰的基督教中，有一種用七年做一個單位來算數日子的傳統，每過了七年就是一個新的開始，所以我也用按呢的方式來祝福哲五，過了一個七年，希望哲五會當進入全新的境界。

（翻譯）

從大一到現在，我加入哲五也已經三年多快四年了，這時就趁哲五七週年的機會，分享我這幾年在哲五的的看見及學習。

首先給我很大幫助的，就是透過哲五，打開了我的眼界，這可以從兩方面來講。第一，就是每一次的聚會都有不同的主題和內容，並且來交流的講員都是那個主題的相關專家，所以在各樣的知識上，無論廣度或深度，都真的大開我的眼界。第二，就是在每一次的聚會中，有各式各樣的人來參與，在跟每個不同的人交流之中，真的能夠體認世界的多元和有趣。

再來就是哲五不斷的提醒我，要常常記得弱勢和受壓迫的人。在我們的聚會，時常會有看起來跟我自身無關的主題，但這些事，很多都是社會中不公義的事，是真正需要大家一起瞭解、聲援，甚至站出來的事，從這些事能夠之知道，我們不能只顧自己，也要關顧我們身邊正在受苦的人。這點與我所信仰的基督教很相似。

今年是哲五七週年，在我所信仰的基督教中，有種以七年為一個單位來計算日子的傳統，每過七年就是一個新的開始，所以我夜要這樣祝福哲五，過了一個七年，希望哲五能進入一個新的境界。